ايماق باسشىسى دانيال احمەتوۆتىڭ وكىمىمەن اباي اۋدانى اكىمى قىزمەتىنە جارقىنبەك بايسابىروۆ تاعايىندالدى. بۇعان دەيىن ول ءۇرجار اۋدانى اكىمىنىڭ ورىنباسارى بولعان. بۇل تۋرالى وبلىس اكىمىنىڭ ءباسپاسوز قىزمەتى حابارلادى.
جاڭا باسشىنى اۋدان اكتيۆىنە شقو اكىمىنىڭ ءبىرىنشى ورىنباسارى نۇرىمبەت ساقتاعانوۆ تانىستىردى. جارقىنبەك بوراش ۇلى 1969 جىلى 9 تامىزدا ءۇرجار اۋدانى ءبىرىنشى ماي اۋىلىندا دۇنيەگە كەلگەن. 1992 جىلى سەمەي زووتەحنيكالىق-ۆەتەرينار ينستيتۋتىن «مال دارىگەرى» جانە 2008 جىلى سەمەي ۋنيۆەرسيتەتىن «ەكونوميكا» ماماندىعى بويىنشا تامامداعان.
ەڭبەك جولىن 1992 جىلى ءبىرىنشى ماي اۋىلىندا كالينين اتىنداعى كولحوزدا سانيتارلىق-ەمدەۋ پۋنكتىندە مەڭگەرۋشى قىزمەتىنەن باستاعان. ودان كەيىن بىرنەشە جىل «1 ماي» جشس مەڭگەرۋشىسى, 1998-2004 جىلدار ارالىعىندا «ەراسىل» شارۋا قوجالىعىن باسقارىپ, كەيىن ءۇرجار اۋدانىنىڭ نەكراسوۆ اۋىلدىق وكرۋگىنىڭ اكىمى بولدى. 2006 جىلدىڭ قىركۇيەگىنەن باستاپ جوعارعى ەگىنسۋ اۋىلدىق وكرۋگى اكىمى لاۋازىمىنا تاعايىندالدى. 2008 جىلدان وسى كۇنگە دەيىن ءۇرجار اۋدانى اكىمىنىڭ ورىنباسارى مىندەتىن اتقاردى.
ازامات قاسىم,
«ەگەمەن قازاقستان»
شىعىس قازاقستان وبلىسى